مرة واحد اهدى مبارك سلحفة
مبارك سالة لية
قالة دية بتعيش 400 سنة
رد مبارك علية احنا قاعدين لما نشوف
محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ
انسطل اطفيها انام.
مرة واحد غبي اوي شغال في جامع كل ما الاذان ياذن يقفل باب الجامع و يكتب مغلق للصلاة
عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد
تهنئة محشش: بمناسبة عيد الام المبارك أهنئكم برمضان جعله الله عليكم زواجا سعيدا وكريسمس خير وكل عام وانتم بخير بمناسبة السنة الجاية مع تحيات جمعية مرضى الزهايمر
مره اتنين طلبه مساطيل قاعدين يكتبوا ورا الاستاذ فى المحاضره وكل ما الاستاذ يمسح السبوره يقطعوا الورقه
مرة واحد مسطول امه بتصحيه عشان يصلي صلاة الجمعه بتقوله قوم الامام بيخطب قالها ربنا يتمم بخير.
فى مرة اثنين كدابين قوي قاعدين قدام الاهرمات الاول قال للثانى تعرف الهرم ده امى هى اللى بانيته فالتانى قاله تعرف البحر الميت قاله اه قاله اخواتى هما اللى قتلوه
واحد غني بيتأتأ فراح رحله على حسابه مع اصحابه طول السكه قاعد يقول "ن ن ن" لمل وصلوا قالهم" نسيت الفلوس" فرجعوا طول الطريق قاعد يقول" ك ك ك" فلما وصلوا قالهم" كنت باضحك عليكم"
واحد بيسال صاحبة الندل بتحب ابوك ولا اللحمة
قالوا انت عبيط دى الشوربة بس برقبتة
مرة واحد اعمى فتح من الفرحة اتشل
كل يوم ولد يرجع من المدرسة يقول لأبوه بابا أنا أخدت 10 وابوه يقوله برافو عليك يا حماده
وفضل على الحالة دى شهر لحد ما فى يوم رجع قال بابا أنا أخدت 3 رد ابوه
ليه كده أخص عليك يا حماده رد حماده ما هو ده اللى لاقيته فى جيبك يا بابا
واحد صعيدي دخل الجيش ووقف حراسة على بوابة معسكر... عدى عليه الشاويش "محمد" وقاله:اللواء "فريد" جه؟ قاله : ماجاش يا شاويش "محمد"...
وبعد ساعة رجع له الشاويش محمد وسأله: اللواء "فريد" جه؟ قاله لسه ما جاش...
وبعد ساعة رجع له تانى وسأله اللواء "فريد" جه؟ قال له لسه ما جاش...
وبعد ساعة جه اللواء "فريد"... فقاله العسكرى : أنت فين من بدري الشاويش "محمد" حيخرب بيتك
جماعة صعايدة بينضفوا الحيطة بالمية... الكهرباء مسكت في واحد منهم قعدوا يشدوه و يضربوه عشان يبعد عن الحيطة.. وفي الاخر ودوه المستشفى وكانت نتيجة تقرير الطب الشرعى: سبب الوفاة.. ضرب أفضى الى موووووووت
ثلاثة محششين وقفوا تاكسي، السواق عرف أنهم محششين فشغل العربية وطفاها وقالهم خلاص وصلنا، الأول دفع الأجرة
والتاني قاله شكرا والثالث ضربة على قفاه وقاله متبقاش تجري بسرعة تاني
مرة واحد كريم قوى بيته ولع جات رجالة المطافى تطفى الحريقة حلف عليهم انهم لازم يتغدوا الاول
موضوع: نكت جامدة جدا 
الأحد مارس 06, 2011 4:41 pm
